Siumup ataatsimeersuarnissaa 27.-29. november 2020 Nuummi ingerlanneqassaaq.
Ataatsimeersuarnermi aallartitat tassaapput immikkoortortaqarfinniit, siulersuisuunernit kiisalu Inatsisartuni partiip ilaasortaatitai, Naalakkersuisut, Folketingimi ilaasortaq aamma partiip borgmesterii.
Siumup aaqqissugaanikkut siulittaasup tullia, Evelyn M. Frederiksen tamatumuuna ima oqarpoq:
”Covid-19 ingerlaarnera Siumumiit malinnaaffigiuarsimavarput. Ataatsimeersuarnerlu kinguartinneqarallarneqartarsimalluni. Partiimiit nalilerparput najuulluni ataatsimeersuarneq pisariaqartoq. Oqaluuserisassani pingaarutillinni pingaaruteqarami najuulluni oqallinnermik uummaarissumik ingerlanneqarnissaat pingaartikkatsigu.”
Namminersornerusut Covid-19 pillugu nalunaarutaat naapertorlugu, naalakkersuinikkut siunertaqarlutik katersuuttut tamat oqartussaaqataanerat pingaartillugu nassuiaaserpaa. Nalunaarusiaq ilaatigut naalakkersuinikkut ingerlataqarlutik partiinut periarfissiivoq ataatsimiinnissat katersuunnissallu kommunit killeqarfii akimorlugit ingerlanneqarsinnaasut. Siumup ataatsimeersuarnissani sapinngisaminik annertunnerpaamillu peqqinnissaqarnikkut ilisimasatigut innersuussutaasut malilnniarlugit ataatsimeersuarnissaq ingerlatissavaa.
Almost done…
We just sent you an email. Please click the link in the email to confirm your subscription!