Siumup ataatsimeersuarnissaa kinguartinneqarpoq Ilulissani pisussanngorluni septemberip ulluisa 4.-5.-6.-iani 2020 pisussanngorluni.
”Siumup immikkoortortaqarfiisa Siumullu siulersuisuuneri akunnerminni ajunngitsumik oqaloqatigiissutigereerlugu, maanna kissaatigineqalersoq Nuna tamakkerlugu ataatsimeersuarnissaq septemberimut kinguatinissaa Siumup Siulersuisuunerisa akuersaarpaat. Ataatsimiinnermi najuulluni ataatsimiittarfimmilu peqataalluni ajunnginnerpaavoq oqallinneq uummaarinnerusoq ingerlanneqarsinnaammat, partiip siunissami anguniagai aalajangersorneqalerpata aammalu siulersuisuunernut qinersisoqalerpat.”
Digitial-imik ataatsimeersuarnissaq aalajangiunneqarnikuuvoq mianersortumik tunngaveqarluta, maannalu pisut aallaavigalugit annikikkaluartumik isumalluarnerulerpugut, taamaalilluta pisarnerput malillugu ukioq manna kingusinnerulaartukkut ataatsimeersuarsinnaanngorpugut. Siumup aaqqissuusaanermut siulittaasup tullia, Evelyn Frederiksen oqarpoq, nangillunilu:
”Kissaatigilluinnaratsigu sapinngisatsinnik immikkoortortaqarfinniit aallartitat ilaasortallu ataatsimeersuarnermi najuullutik peqataassasut, tamannalu aasaq manna peqqinnikkut tunngaveqartumik illersorneqarsinnaanngilaq nualluussuaq Covid-19-i eqqarsaatigalugu. Tamanna pissutigerpiarlugu siulersuisuunerit immikkoortortaqarfiit peqatigalugit nalilersimavaat, ataatsimeersuarnissaq ukiamut kinguartinneqassasoq.”
Nuallussuup ingerlaasia susoqarneralu soorunami Partiimiit malinnaaffigeqqissaarparput aammalu pisortat innersuussutaat malilluinnarlutigit, soorunalumi aamma Covid-19-ip ingerlatillugu innersuussutit malilluinnaqqissaarumaarpagut.
Almost done…
We just sent you an email. Please click the link in the email to confirm your subscription!