Naluneqanngittutut ulluni makkunani annertuumik nappaassuaq Nunarsuaq tamakkerlugu atuuttoq Corona annertuumik sammineqarpoq ullullu kingulliit aamma Kommuune Qeqertalimmi Aasianni Coroonartumik siumuisoqarluni.
Aasianni coronartumik siumuisoqarnera tupannarlunilu aamma immitsinnut eqqaasitsitssutitut ilinniutaassooq. Nakorsaaneqarfiup innersuussutaa angerlarsimalluni mattussimaneq malinneqarsimannginnera soorunami sakkortuumik uparuagassaavoq. Isumarput malillugu Kommuuni Qeqertaliup akisussaaffimmik annertuumik tigummeqataavoq. Tassami kommuunimi ataatsimiitsitaliatta Nuummut paasissassarsioriarpoq, pisortallu nalusimanavianngilaat angerlarsimalluni mattusimasup najugaqatai aamma angerlarsimaannaqqusaassasut. Kommuni Covid-19-imut sillimaniarnermut suleriaatsini nalilersoqqittariaqarpaa, naak paasissutissat erseqqarissut nakorsaaneqarfiup nittartagaani atuarneqarsinnaagaluarlutik. Ajoraluartumik Nuummut paasissarsiornerput annertuumik uippallernermik toqqissisimannginnermillu pilersitsivoq.
Qeqertalimmi Siumup Gruppiata nunatsinni Coroonap akiorniarnerani pinngittoortinniarneqarneranilu maangamut suliniutigineqartut pittaasutut isigalugit oqariartuutigisuarput taamaakkaluartoq pisartut aallaavingalugit akiuiniarnerup suli pittangorsarneqartariaqarnera takusarparput paasisarlutigulu
ilaatigut peqqussutit innuttaasut malittariaqangaattut aaliangersakkat putoqarpallaartutut isikkullit atuutsunneqarnerat takusinnaallutigu.
Nunanit allaniik nunatsinnut tikittut angerlarsimaannaqqusaasarnerat ulluni aaliangersimasuni pissusissamisoorpoq angerlarsimaqqusaasorli illoqatimi akornanni inissisimasarpoq killilersugaalluni peqqussutiniit taamaattorli angerlarsimaqataasut qanorsuaq angalasinnaallutik suliffeqarunillu suliinnarsinnaallutik tassa killilersugaananik inuit akornanniissinnaallutik tassa tikkuartariaqartutut isigisarput naak angerlasimaffiinut allanik isertoqaqqusaanngikkaluartoq ineqataasoq imaluunniit ineqataasut qanorsuaq pisinnaallutik.
Oqariartuutigineqartarpormi Coroona matut tigummiviisigut, atisatigut allarpassuartigullu tunillaassinnaasoq taamaammat tassuunakkut piaartumik sukaterisoqarnissaa pisariaqavissutut isigalutigu Siumup Gruppianiit oqariartuutigaarput taama ammatigisumik malitassaqartitsineq allaat sukkasuumik tuniluuttoqalerneranik pilersitsisinnaammat.
Pisariaqarpoq angerlarsimaannarallarnissamik aaliangiisoqartillugu angerlarsimaqataasunut tamanut aamma atuuttariaqartoq pulaartoqaqqusinnginnermi peqqussutaappat najungaqataasut aneqqusaanginnermik aamma peqartariaqarmata.
Qaammatit arlallit innuttaasut malittariaqangaattut peqqussutaasut atuutereerneranni sukaterneqarsinnaasut ersertarput taakkulu innuttaasut suli sakkortunerusumik illersorneqarnissaannik qulakkeerisuussassapput.
Naggataatigut tikkuarusupparput peqqussutinik malinnikkumanatik innuttaasunik ulorianartorsiortitsisut sakkortunerumik pineqartarnissaat Politiit nalilersoqqissaartariaqaraat tassami akilingassiissutaasinnaasut 3. – 4.000.-kr-nit Qaffasinnerujussuusariaqarput tunillatsinnermi allaat inuunermik annaasaqarnermik kinguneqarsinnaammat.