Siumup Siulittaasuata Aleqa Hammondip pingasunngornermi augustip 29-ani 2012 Nuummi Siumup qullersaqarfiani qallunaat ministeriunerat Helle Thorning Schmidt immikkut naapippaa

Helle Aleqallu naapinnerminni Siumukkut Socialdemokraatillu nunatsinni minnerunngitsumillu Folketingimi qanimut patajaattumillu suleqatigiinnerat nuannaarutigalugu ilaatigut eqqaavaat. Suleqatigiinneq nutarterneqartuartoq kiisalu apeqqutini issittumut Kalaallit Nunaannullu tunngassuteqartuni nukittorsaataajuartoq.
Socialdemokraatit illersornissaq pillugu, sillimaniarnissaq pillugu nunanullu allannut tunngasunut oqaaseqartartui Siumukkunnik qanittumik suleqateqarnerat partiit iluini, Folketingimi Inatsisartunilu suleqatigiinnermut iluaqutaajuarput.